نیتن نبین بی جے پی کے نئے قومی صدر ہوئے منتخب

نوجوان قیادت اور تجربے کا امتزاج پارٹی کیلئے اہم سنگ میل،بھاجپا کی تنظیمی ترقی اور قومی سطح پر مضبوط حکمت عملی

سرینگر// 20جنوری/ این ایس آر

وزیر اعظم نریندر مودی نے منگل کے روز نیتن نبین کو بی جے پی کا نیا قومی صدر منتخب ہونے پر مبارکباد دی اور اعلان کیا کہ پارٹی کے معاملات میں نوجوان رہنما ان کے باس ہوں گے۔ یہ خطاب نئی دہلی میں پارٹی ہیڈکوارٹرز میں نیتن نبین کے چارج ٹیکنگ تقریب کے دوران کیا گیا۔یو این ایس کے مطابق مودی نے تقریب سے خطاب کرتے ہوئے 45 سالہ نیتن نبین کو ایک ملینیل رہنما قرار دیا، جو ایسے دور کی نمائندگی کرتے ہیں جس میں بھارت نے زبردست تبدیلیاں دیکھیں۔ نیتن نبین کو پارٹی ہیڈکوارٹرز میںسنگھٹن پرَو کے اختتام پر باضابطہ طور پر پارٹی کا صدر اعلان کیا گیا، جس میں بوتھ سطح سے لے کر قومی سطح تک کے مختلف عہدوں کے انتخابات منعقد کیے گئے۔وزیر اعظم نے کہاجب بات پارٹی کے معاملات کی ہو، تو یتن نبین جی… میں ایک کارکن ہوں، اور آپ میرے باس ہیں۔“مودی نے مزید کہا کہ”اب معزز نیتن نبین جی ہم سب کے صدر ہیں، اور ان کی ذمہ داری صرف بی جے پی کو منظم کرنا نہیں بلکہ تمام این ڈی اے اتحادیوں کے درمیان تعاون کو یقینی بنانا بھی ہے۔“وزیر اعظم نے کہا کہ نیتن نبین ایسے دور سے تعلق رکھتے ہیں جس میں بچپن میں لوگ خبریں ریڈیو سے سنتے تھے اور آج وہ مصنوعی ذہانت کے استعمال میں مہارت رکھتے ہیں۔ مودی نے نیتن نبین کی نوجوان توانائی اور وسیع تجربے کی تعریف کی اور کہا کہ یہ امتزاج پارٹی کے لیے ایک مضبوط بنیاد فراہم کرتا ہے۔مودی نے پارٹی کی تاریخ کا حوالہ دیتے ہوئے کہا کہ اتل بہاری واجپائی، لال کرشن اڈوانی اور مرلی منوہر جوشی کی قیادت میں بی جے پی نے زیرو سے لے کر عروج تک کا سفر طے کیا۔انہوں نے مزید کہا کہ”اس صدی میں ایم وینکیاہ نائیڈو اور نیتن گڈکری جیسے رہنماو ¿ں، اور ہمارے دیگر سینئر ساتھیوں نے تنظیم کو وسیع کیا۔ راج ناتھ جی کی قیادت میں، پہلی بار بی جے پی نے مکمل اکثریت حاصل کی۔“وزیر اعظم نے کہا کہ امت شاہ کی قیادت میں پارٹی نے متعدد ریاستوں میں حکومتیں بنائیں اور مرکز میں دوسری مسلسل مدت کے لیے اقتدار حاصل کیا۔ جے پی نڈا کی قیادت میں بی جے پی نے پنچایت سے پارلیمنٹ تک مضبوط ترقی کی۔مودی نے زور دیا کہ نیتن نبین کی قیادت میں پارٹی نہ صرف تنظیمی سطح پر مضبوط ہوگی بلکہ این ڈی اے کے اتحادیوں کے ساتھ بہتر ہم آہنگی کو بھی یقینی بنایا جائے گا۔ وزیر اعظم نے کہا کہ یہ قیادت پارٹی کی نوجوان توانائی، تجربہ اور تنظیمی مضبوطی کو یکجا کرتی ہے، جو آنے والے انتخابات اور قومی ترقی میں اہم کردار ادا کرے گی۔ اس سے قبل ن نابن کو منگل کو باضابطہ طور پر بھارتیہ جنتا پارٹی کا قومی صدر مقرر کر دیا گیا، جو جے پی نڈا کی جگہ لے رہے ہیں۔ 45 سالہ نابن سب سے کم عمر رہنما ہیں جنہوں نے پارٹی کی اعلیٰ قیادت سنبھالی، اور پارٹی نے اپنے سیاسی اثر و رسوخ کو مزید مضبوط کرنے کا نیا باب شروع کر دیا ہے۔یو این ایس کے مطابق بھارتیہ جنتا پارٹی نے منگل کے روز نیتن نابن کو اپنے قومی صدر کے طور پر باضابطہ طور پر اعلان کیا، جو سابق صدر جے پی نڈا کی جگہ لے رہے ہیں۔ کلکشن افسر کے فرائض انجام دینے والے کے لکشمن نے پارٹی کی تنظیمی انتخابات کے نتائج کا اعلان کرتے ہوئے نیتن نابن کو انتخابی سرٹیفکیٹ بھی فراہم کیا۔45 سالہ نابن، جو سب سے کم عمر صدر ہیں، 1980 میں بی جے پی کی بنیاد کے سال ہی پیدا ہوئے تھے۔ پارٹی کے اعلیٰ قیادت کے نمائندے، بشمول وزیر اعظم نریندر مودی، جے پی نڈا، راج ناتھ سنگھ، امت شاہ، نیتن گڈکاری وغیرہ بی جے پی ہیڈکوارٹرز میں موجود تھے تاکہ قیادت کے منتقلی کے لمحے کو دیکھ سکیں۔کم پروفائل اور عاجز طبیعت کے حامل نابن نے 14 دسمبر کو بی جے پی کے ورکنگ صدر مقرر ہونے کے بعد بہار حکومت میں قانون و انصاف، شہری ترقی اور ہاو ¿سنگ کے وزیر کے عہدے سے استعفیٰ دے دیا تھا۔نتائج کے اعلان کے دوران کے لکشمن نے کہا”یہ انتخاب ظاہر کرتا ہے کہ بی جے پی میں قیادت محنت اور لگن سے ابھرتی ہے، نہ کہ خاندانی سہولتوں سے۔“جے پی نڈا نے اس موقع پر کہا: "آج ایک تاریخی دن ہے جب ہمارے نوجوان، توانائی سے بھرپور اور باصلاحیت نیتن نابن دنیا کی سب سے بڑی سیاسی پارٹی بی جے پی کے قومی صدر کے عہدے کا چارج سنبھال رہے ہیں۔ میں اپنی اور کروڑوں کارکنوں کی جانب سے انہیں دلی مبارکباد پیش کرتا ہوں۔