بڈگام/7 مارچ/تنویر حسین
بڈگام پولیس نے سوشل میڈیا پلیٹ فارم کے غلط استعمال کو روکنے کے لیے سخت کارروائی کی ہے۔ جعلی اکاؤنٹس بنانے اور دہشت گردی کی تعریف کرنے والے مواد کو شیئر کرنے پر چھ افراد کے خلاف مقدمہ درج کیا گیا ہے جو ممکنہ طور پر عوامی امن کو خراب کر سکتا ہے اور خلل ڈالنے والی سرگرمیوں کو بھڑکا سکتا ہے۔
جن افراد کی شناخت کی گئی ہے ان میں ہلال احمد ڈار ساکنہ شولی پورہ، اویس احمد خان ساکنہ سوبغ دہرمونہ، سہیل احمد شیخ ساکنہ بٹ پورہ، عمر شفیع صوفی ساکنہ اومپورہ، محمد عامر خان ساکن اچکوٹ اور شاہد میر ساکنہ شیخ پورہ چترہامہ، بڈگام ہیں۔
یہ افراد گمراہ کن اور غیر قانونی مواد کی تشہیر کے لیے جعلی سوشل میڈیا اکاؤنٹس کا استعمال کرتے ہوئے پائے گئے۔ ان کے خلاف حفاظتی حراستی قوانین کے تحت قانونی کارروائی شروع کر دی گئی ہے۔
بڈگام پولیس تمام سوشل میڈیا صارفین سے پرزور اپیل کرتی ہے کہ وہ ذمہ داری سے کام لیں اور غیر قانونی، گمراہ کن یا خلل ڈالنے والا مواد پوسٹ کرنے یا شیئر کرنے سے گریز کریں۔ سوشل میڈیا گائیڈ لائنز کی خلاف ورزی کرنے والے کے خلاف قانون کے متعلقہ سیکشنز کے تحت سخت قانونی کارروائی کی جائے گی۔
