پی ڈی ایف سربراہ نے حد بندی کمیشن سے ملاقات کرنے کیلئے پارٹی وفد کا اعلان کردیا

سرینگر/5 جولائی/این ایس آر

پی ڈی ایف سربراہ حکیم محمد یاسین نے ایل جی انتظامیہ کی طرف سے اُن کے نام ارسال کئے گئے دعوت نامہ کو قبول کرتے ہوئے حد بندی کمیشن کے ساتھ ملاقات کرنے کیلئے چار رکنی وفد کا اعلان کردیا۔ پی ڈی ایف کے پریس بیان کے مطابق وفد میں پارٹی کے سینئر لیڈران مشتاق شمیم جاوید بیگ ایڈوکیٹ رئیس احمد وانی اور میر عبدالرشید شامل ہونگے۔پارٹی وفد جموں کشمیر میں ممکنہ نئے اسمبلی حلقوں کی نشاندہی اور حد بندی کے سلسلے میں آرائیں اور تجاویز تحریری طور پیش کرے گا۔ حکیم یاسین کی ہدایت پر پارٹی کی ڈرافٹنگ کمیٹی نے تفصیلی میمورنذم تیار کرکے رکھ دیا ہے جس کو کمیشن کے سامنے میٹنگ کے دوران زیر بحث لایا جاسکتا ہے۔