ڈوڈہ میں آج عیدالفطر کا تہوار مذہبی جوش و جذبے کے ساتھ منایا گیا۔
آج صبح عید کی نماز ادا کرنے کے لیے عیدگاہ پر جمع ہونے والے فرزندان توحید کا زبردست جم غفیر دیکھنے کوملا۔
عیدگاہ ڈوڈہ میں اپنے خطاب کے دوران جامع مسجد ڈوڈہ کے امام نے مذہبی تقریریں کیں اور پورے جموں و کشمیر کے لوگوں کی بھلائی کے ساتھ ساتھ فرقہ وارانہ ہم آہنگی اور بھائی چارے کے فروغ کے لیے دعا کی۔
اس موقع پر ڈپٹی کمشنر ڈوڈہ وشیش پال مہاجن، ایس ایس پی ڈوڈہ عبدالقیوم، ایم سی چیئرمین وید گپتا، ڈائرکٹر ایمپلائمنٹ ڈوڈا ادریس لون اور دیگر سینئر سول اور پولیس افسران موجود رہے۔
ڈی سی نے تمام ہم وطنوں خصوصاً مسلمان بھائیوں کو تہوار کی مبارکباد دی اور امید ظاہر کی کہ یہ تہوار دینے اور بانٹنے کی روایت کے ساتھ ہماری زندگیوں کو اخوت اور محروم، بے سہارا اور ضرورت مند لوگوں کے لیے ہمدردی کے جذبے سے مالا مال کرے گا۔
ضلع کے لوگوں نے بچوں کے ساتھ بڑی تعداد میں بازاروں کا ہجوم کیا، ایک دوسرے کو مبارکباد دینے کے علاوہ چیزیں خریدیں۔ ضلع بھر کے دیگر قصبوں اور دیہاتوں میں بھی نماز عید کے اجتماعات ہوئے۔
