غیر وطن میں ایک چھوٹی سی بستی
*بالکونی میں* Rocking chair پہ بیٹھے ہاتھوں میں گرم چائے کی پیالی تھامے ہوئے انگلیوں کو ہلکی جنبش دیے پہاڑوں کے درمیان دل کش ساز و آواز کا تصور اور اَبر کی گہری دھند کا منظر، فضا کی تاریکی کچھ گنگناتی سریلی سروں میں جیسے اپنی طرف مائل کر رہی ہو۔ ہلکے ہاتھوں بالوں کو سلجھانا میرا ، میری مسکان جیسے شبنم پے اُوس کی طرح ٹھہری ہوئی ہو ۔،وہی شوق وہی امنگ خواہش، مانو پھر سے میرے ارد گرد گردش کرنے لگی
اپنے خیالوں کے ورق پہ چھوٹے حروف تلاش کرنے لگی۔ تختی پہ سفید مٹی سے لکھی عبارت سامنے ہو جیسے
۔۔۔۔۔۔۔۔۔ *بارش کی رم جھم میں،بھیگتا میرا آنچل ،پھیلائے ہوے کپکپاتے لب و رخسار پہ رکی ہلکی بارش، جیسے کچھ خواہشوں کی فہرست میرے خیال میں یہ لفظ عام کر رہی تھی* کہ ۔۔۔۔۔۔۔اس خوبصورت سما میں بد مست ہو خوشی سےسرشارہوجا, لہرا لہرا کر جھوم جا ، خوشبو ہے گرج ہے چمک ہے اَبر ہے، یہ سماء تجھ پہ مہربان ہے،۔۔۔۔ اور نہ جانے کتنے عرصہ قبل ایسا ہی منظر رواں تھا۔
کبھی مسرتوں کے قہقہے، تو کبھی اشک آنکھوں میں سرمہ پھیلائے ہوئے تو کبھی ریت کے ٹیلوں پر گھر بنا کر گرا دینا تو کبھی مٹی کی تختیوں پر اپنا نام سکندر لکھتے جانا۔۔۔۔۔۔ اور پھر کسی نتیجے پر پہنچتے پہنچتے گھٹنے ٹیک دینا ۔۔۔۔۔۔۔
اخر، ہم سمجھدار ہوتے گئے
فیصلے اور فاصلے قائم ہوتے گئے دانائی نے دامن تھام لیا۔۔۔ *ہم سنجیدہ ہوتے گئے زمین و آسماں کے درمیاں کی وسعت کو سمجھتے گئے، ہوا کا رخ زمانے کی سازگاریاں، اور بات کو ٹالنا آگیا حالات کو تبدیل کرنے کی صلاحیت انے لگی*۔۔۔۔الفاظ اور لہجے نرم ہوتے گئے چشم تعویز ہوتے گئے۔۔۔۔۔۔۔۔۔۔۔۔پھر………..
بارش کی بوندوں میں کسی کا کچا گھر دکھنے لگا،
۔۔۔۔۔۔۔۔۔تیز تر ہوا میں سفید پوشی بکھرتے دکھنے لگے۔۔۔۔۔۔۔
اپنے ہاتھوں میں گرم چائے کی پیالی تھامے ہوئے بھوکے غریب کی سسکیاں محسوس ہوتی گئی !۔۔۔۔۔۔۔اب میرے ہاتھوں کی انگلیوں میں فکر انگیز کپکپاہٹ مسلسل اضافہ کر رہی تھی ۔۔۔۔۔۔۔۔۔
اج پھر میرے ہاتھوں میں چائے کی پیالی، اور چشم نم ،
بالکونی میں بیٹھی۔۔۔۔۔۔۔۔ کہتے ہوئے
اتر کے روح کی گہرائیوں میں ڈرتی ہوں
ہلاک کر نہ دیں کہیں اپنی صداقتیں مجھ کو
مجھ کو فرصت دل بستگی نہیں ہے ناہد….
*وہ آنکھیں اج بھی دیتی ہیں دعوتیں مجھ کو*۔
